Joko Antolaketarako Zuzendaritza Nagusiaren

JAZNren jokorako lizentzia eta baimenak

• Joko-lizentzia orokorrak: emateko deialdiak eta iraungitzeak
• Lizentzia bereziak: eskaerak eta iraungitzeak
• Noizbehinkako joko-baimenak

JAZNren jarduera aurkibidea

Jokorako lizentzien prozedurei buruzko informazio orokorra ikusteko horretarako jarritako atala kontsulta dezakezu Zuzendaritza Nagusiaren webgunean.

Joko-lizentzia orokorrak: emateko deialdiak eta iraungitzeak eta uko egiteak 

Zuzendaritza Nagusia sortu eta abian jarri zenetik hiru deialdi egin izan dira joko-lizentzia orokorrak emateko.

• 2011ko azaroko deialdia

Joko-lizentziak emateko deialdira (EHA/3124/2011 Agindua joko-jarduerak garatu eta ustiatzeko lizentzia orokorren deialdia arautuko duten oinarrien agiria onartzen duena "Apustuak", "Lehiaketak" eta "Bestelako jokoak" modalitateetan, 2011ko azaroaren 18ko BOE, eta Joko Antolaketarako Zuzendaritza Nagusiaren 2011ko azaroaren 16ko Ebazpena, lizentzia bereziak eskatu eta emateko prozedura xedatzen duena) 59 sozietate aurkeztu ziren, eta 98 lizentzia orokor eta 202 lizentzia berezi eskatu zituzten; guztira 300 lizentzia, alegia.

Deialdi horren ebazpeneko emaitza hau izan zen: 93 lizentzia orokor eman ziren "Apustuak", "Lehiaketak" eta "Bestelako jokoak" modalitateetarako, eta 189 lizentzia berezi hainbat jokotarako. Guztira, 282 lizentzia eman zitzaizkien 59 sozietate eskatzaileetako 55 erakunderi.

• 2014ko urriko deialdia

Urriaren 29ko HAP/1995/2014 Agindua argitaratuta (Jokoa Arautzeari buruzko maiatzaren 27ko 13/2011 Legearen joko-jarduerak garatu eta ustiatzeko lizentzia orokorren deialdia arautuko duten oinarrien agiria onartzen zuen) hasiera eman zitzaion Estatu mailako joko-jarduerak garatu eta ustiatzeko lizentzia orokorrak emateko bigarren prozesuari. Deialdia Espainian joko-operadore izateko interesa zuten edota estatu mailako gaitze-ziurtagiria jada izanik euren joko eskaintza zabaldu nahi zuten erakundeei zuzenduta zegoen.

Aipatu agindu horrek indarrean jarri zituen apustu gurutzatuen eta ausazko makinetako jokoak ere, horiei buruzko oinarrizko araudia zegokion agindu bidez onartu zelarik 2014ko uztailean.

Prozesua burutu ondoren, jokorako lizentzia orokorrik ez zuten 10 erakunderi 18 lizentzia orokor banatu zitzaizkien guztira. Aurretik jada jokorako lizentziak zituzten 7 operadoreri ere 7 lizentzia orokor eman zitzaizkien guztira. Eta bi eskabide ez ziren onartu, ez zituztelako betetzen araudiz ezarritako betekizunak. Bestetik, eta prozesu horrekin batera, lotuta ziren lizentzia orokorrekin batera beste 36 lizentzia berezi eskatu ziren aldi berean, hainbat joko motatakoak. Horietatik, aurkezle batek atzera egin zuen aurkeztutako eskabidean eta 7 ez ziren onartu, epez kanpo aurkezteagatik edota ezetsia izateagatik horiei loturik zen lizentzia orokorreko eskabidea.

• 2017ko abenduko deialdia

2017ko abenduaren 16an argitaratu zen BOEn HFP/1227/2017 Agindua, abenduaren 5ekoa, zeinaren bidez onartzen baitzen Jokoa Arautzeari buruzko maiatzaren 27ko 13/2011 Legean jasotzen diren joko-jarduerak garatzeko eta ustiatzeko lizentzia orokorren deialdia arautuko duten oinarrien agiria.

Lizentzia orokorrak eskatzeko epea urtebeteren buruan amaitzen da, aipatu oinarrien agiria onartzen duen agindua argitaratzen den hurrengo egunetik kontatzen hasita, zehazki epe horretako azken egunaren 13:00etan. Epea Administrazio Publikoen Administrazio Prozedura Erkideari buruzko urriaren 1eko 39/2015 Legearen 30. artikuluak dioenari jarraituz kontatuko da.

Epe hori amaitzen denean, deialdiaren emaitzaren laburpen batua erantsiko da .

I. Iraungitzea bermeak ez berritzeagatik (1614/2011 EDren 42. art.)
UE. Uko egitea

Lizentzia bereziak: emateko deialdiak eta iraungitzeak eta uko egiteak 

Lizentzia bereziak eskatzeko indarreko prozedura Joko Antolaketarako Zuzendaritza Nagusiaren 2017ko abenduaren 1eko Ebazpenaren bidez onartu zen. Ebazpen horretan, joko-jarduerak abiarazteko eta ustiatzeko behar diren lizentzia bereziak eskatzeko eta esleitzeko prozedura ezartzen zen, Jokoa Arautzeari buruzko maiatzaren 27ko 13/2011 Legea garatzen duen azaroaren 14ko 1614/2011 Errege Dekretuaren 17. artikuluak joko-lizentzien, -baimenen eta -erregistroen inguruan xedatzen duenarekin bat eginik.

Horren aurretik egon dira lizentzia bereziak ematea arautzen zuten beste bi prozedura, eta hauek dira:

• Joko Antolaketarako Zuzendaritza Nagusiaren 2014ko urriaren 10eko Ebazpena, joko-jarduerak abiarazteko eta ustiatzeko behar diren lizentzia bereziak eskatzeko eta esleitzeko prozedura ezartzen duena, Jokoa Arautzeari buruzko maiatzaren 27ko 13/2011 Legea garatzen duen azaroaren 14ko 1614/2011 Errege Dekretuaren 17. artikuluak joko-lizentzien, -baimenen eta -erregistroen inguruan xedatzen duenarekin bat eginik.
• Joko Antolaketarako Zuzendaritza Nagusiaren 2011ko azaroaren 16ko Ebazpena, joko-jarduerak abiarazteko eta ustiatzeko behar diren lizentzia bereziak eskatzeko eta esleitzeko prozedura ezartzen duena, Jokoa Arautzeari buruzko maiatzaren 27ko 13/2011 Legea garatzen duen azaroaren 14ko 1614/2011 Errege Dekretuaren 17. artikuluak joko-lizentzien, -baimenen eta -erregistroen inguruan xedatzen duenarekin bat eginik.

A. Iraungitzea, lizentzia berezia gutxienez urtebetez erabili ez delako (13/2011 Legearen 9.5 art.)
B. Iraungitzea, lizentzia bereziaren behin betiko homologazioa lortu ez delako (1614/2011 EDren 17. art.)
C. Iraungitzea, bermeak berritu ez direlako (1614/2011 EDren 42. art.)
D. Iraungitzea, lizentzia bereziaren epemuga iraun eta berritzea eskatu edo onartu ez delako (13/2011 Legearen 9.5 art.)
R. Uko egitea

Noizbehinkako joko-baimenak

Noizbehinkako joko-baimenen jarduerari buruzkoan, ondorengo laukietan azaltzen da JAZNren jarduera:

JAZNren jarduera aurkibidea